Simpatizantët e AKR-së në Mitrovicë, kanë dalë nëpër rrugët e qytetit duke festuar fitoren e kandidatit të AKR-së, Agim Bahtiri.
Agim Bahtiri, kandidati i AKR-së për kryetar të Mitrovicës, pas rezultateve të publikuara të Exit Poll i Klan Kosovës, ka thënë se fitorja e tij është bindëse në Mitrovicë.
Ai u shpreh se është shumë i lumtur që qytetarët kanë dalë të votojnë dhe, sipas rezultatit të Klan Kosovës, ai doli i pari.
Ai potencoi se 63 për qind të votave bindshëm janë të AKR-së.
“Falënderoj organet e rendit, policinë e Kosovës, hetuesinë e Kosovës, por edhe gjithë popullin që kanë kallxu një kulturë ku asnjë incident nuk ka ndodhur. Kjo është një fitore për të gjithë qytetarët e Kosovës, pavarësisht a më kanë votu mua apo jo”.
Ndryshe, sipas rezultateve të Exit Poll-it të Klan Kosovës, Agim Bahtiri ka marrë 52.1 për qind, ndërsa Valdete Idrizi e Partisë Demokratike të Kosovës ka marrë 47.9 për qind. /Telegrafi/
