Prishtinasit kanë nënshkruar marrëveshje me amerikanin deri në fund të këtij sezoni.
25 vjeçari në tri vitet e fundit ka luajtur për tri skuadra të ndryshme. Sezonin e fundit ishte anëtar i TED Kolejliler në Ligën Turke TB21. Në dhjetë ndeshjet e fundit ai kishte mesatare prej 8.3 pikëve për ndeshje. Ai ka luajtur edhe për ekipet e tjera si Antalya BSB, KK Zadar, Chorale Roanne, RBC Verviers-Pepinster, Fort Wayne Mad Ants.
“Ne kemi nënshkruar marrëveshje me amerikanin që luan në pozitën e plejmejkerit. Kontratën e kemi nënshkruar kur ka ardhur drejtori i Ligës Ballkanike, Shay Stricks në Kosovë, i cili na garantoi se do të marrim pjesë në Ligën Ballkanike”.
“Edhe nëse nuk marrim pjesë në këtë ligë, në do të kërkojmë që të ndryshohet rregullorja për lojtarët e huaj dhe kërkesa jonë do të jetë me tre lojtarë të huaj. Federata na ka premtuar se klubi ynë nuk do të dëmtohet”, ka thënë për gazetën "Sport", drejtori i përgjithshëm i Sigal Prishtinës, Artan Rugova./Telegrafi/