Gjiganti i basketbollit kosovar nuk do të jetë më pjesë e Ligës Ballkanike, për t’u fokusuar në garat evropiane.
Sigal Prishtina ka vendosur të mos jetë më pjesën e Ligës Ballkanike Sigal Uniqa Bibl.
Bordi i skuadrës kryeqytetase ka vendosur që, pas triumfit të dyfishtë në këtë garë, të tërheqë skuadrën, për t’u fokusuar në garant e FIBA.
Gjithashtu menaxhmenti i klubit ka vendosur që për edicionin e ardhshëm të konkurrojë për anëtarësim në ligën tjetër regjionale ABA LIGA.
Kujtojmë se prishtinasit janë kampion aktual të kësaj lige, ndërsa këtë vit janë eliminuar prej garave duke mos mundur të kalojnë fazën e grupeve.
Ky është njoftimi i Sigal Prishtinës:
Ju njoftojmë që pas 4 vitesh pjesëmarrje në Ligën Ballkanike SIGAL UNIQA BIBL, garë në të cilën fituam dy herë titullin kampion, bordi drejtues i klubit ka vendosur për të ndërpreRë pjesëmarrjen në këtë garë. I gjithë fokusi i klubit do të jetë në garat Europiane te Fiba-s dhe ato vendore. Poashtu menaxhmenti i klubit ka vendosur që për edicionin e ardhshëm të konkurrojë për anëtarësim në ligën tjetër regjionale ABA LIGA. Ne me këtë rast falënderojmë udhëheqësit e Ligës Ballkanike për mundësinë e dhënë për thyerjen e izolimit të basketbollit Kosovar si dhe ngritjen e cilësisë së Klubit të Basketbollit Sigal Prishtina dhe basketbollit Kosovar në përgjithësi.