Në palestrën Sezai Surroi ishin mbledhur një numër i konsiderueshëm i Arpaxhikëve për ta motivuar skuadrën e zemrës, teksa në anën tjetër edhe një numër i vogël i Plisave kishin ardhur për t’i dhënë zemër djelmoshave prishtinas.
Për çudi, prizrenasit në çerekun e parë luajtën më mirë dhe arritën ta përmbyllin me dy pikë epërsi, 19-17. Mirëpo, në çerekun e dytë bardhekaltërit u hakmorën me një ofensivë të frikshme duke shkuar në pushim të pjesës së parë me 15 pikë epërsi, 28-43.
Pushimi si duket u bëri mirë mysafirëve, të cilët ‘eksploduan’ në çerekun e tretë duke shënuar 31 pikë e duke pranuar vetëm 11 sosh, me ç’rast edhe epërsia e tyre u ngrit edhe më tepër, 39-74.
Çereku i katërt u zhvillua vetëm sa për hir të protokollit, pasi që bardhekatërit tashmë e kishin siguruar fitoren, sidoqoftë ata vetëm se e ngritën epërsinë e tyre edhe më tej në 46 pikë, 58-104.
Ndeshja tjetër e javës së 19-të të ETC Superligës së Kosovës në basketboll ka përfunduar me fitoren e Dritës ndaj Besës, me rezultat 85-71. /Telegrafi/
| Koshashënuesit më të mirë të Bashkimit: | ||
| 1 | R. Young | 11 pikë |
| 2 | Z. Jovanovic | 11 pikë |
| 3 | D. Llampley | 10 pikë |
| 4 | V. Spaqi | 7 pikë |
| Koshashënuesit më të mirë të Sigal Prishtinës: | ||
| 1 | A. Veseli | 20 pikë |
| 2 | D. Berisha | 16 pikë |
| 3 | A. Kieza | 12 pikë |
| 4 | M. Hasani | 11 pikë |