Sigal Prishtina ka pësuar humbje në kuadër të ndeshjes së fundit në FIBA Europe Cup.
Prishtinasit nuk arritën të triumfonin para shikuesve të vetë në Pallatin e Rinisë dhe Sporteve kundër Demir Insaat Buyukcekmece me rezultat 84-66.
Vetëm çereku i tretë ishte i barabartë mes këtyre dy skuadrave ndërsa në tre të tjerat ishin më të mirë turqit.
Periudha e parë i takoi mysafirëve që treguan lojë më të bukur dhe në saje të saj krijuan epërsi prej katër pikëve, 21:17.
Çereku i dytë ishte ishte fatal për skuadrën tonë pasi që në pjesën e parë pranuan 49 pikë kundrejt 37 të realizuara.
Në dhjetë minutshin e tretë te dyja skuadrat shfaqen lojë të barabartë, ku kjo pjesë e periudhës përfundoi 17:17.
Në çerekun e fundit duket se prishtinasit u dorëzuan pasi që edhe në këtë pjesë mysafirët triumfuan me gjashtë pikë epërsi, 84-66.
Vlen të theksohet se basketbollisti më efikas te vendasit ishte amerikani Antonio Lawrence me 18 pikë ndërsa me 17 sosh te mysafirët u veçua Dwayne Wright.
Pas kësaj, Sigal Prishtina eliminohet prej garave ndërkombëtare ndërsa Demiri dhe Belfiuis Mons kalojnë fazën e grupeve. /Telegrafi/