Dukej që Remdesivir, një ilaç anti-virusal i krijuar për të luftuar të dy viruset e hepatitit dhe sëmundjet e zakonshme të frymëmarrjes, ishte menduar të ishte një nga mijëra ilaçet që ishin të pasuksesshëm në luftimin e sëmundjeve të tjera. Ky ilaç u dërgua në deponinë e ilaçeve të harruara nga shkencëtarët.
Sidoqoftë, të premten, Administrata e Ushqimit dhe Barnave në SHBA (FDA) lëshoi një aprovim urgjent për remdesivir si një trajtim për pacientët me sëmundje kritike me COVID-19, sëmundja e shkaktuar nga coronavirusi, shkruan New York Times.
Mark Denison i Universitetit Vanderbilt është një nga studiuesit e paktë që zbuloi potencialin e remdesivir. Denison filloi të studiojë coronavirusin një çerek shekulli më parë, transmeton Telegrafi.
FDA miratoi shpejt remdesivir për përdorim urgjent, pasi zbuloi se ata që i nënshtroheshin trajtimit të remdesivirit shëroheshin më shpejt sesa ata që merrnin një ilaç tjetër. Por ilaçi nuk uli ndjeshëm shkallën e vdekshmërisë së rasteve.
Anthony Fauci, drejtor i Institutit Kombëtar për Alergji dhe Sëmundje Infektive, tha se rezultatet ishin “një provë shumë e rëndësishme”, por jo një “goditje vendimtare” . Të premten, presidenti Donald Trump vlerësoi këtë ilaç si “një trajtim të rëndësishëm” dhe “me të vërtetë premtues”.
Remdesivir miratohet për përdorim të përkohshëm vetëm në pacientë që janë në gjendje më të rëndë, më vonë ky ilaç do të shikohet nëse do të aprovohet zyrtarisht. Sidoqoftë, disa mjekë që punojnë në njësi të kujdesit intensiv përqafuan ilaçin si një armë të re të rëndësishme për të luftuar një virus që po vret pacientët në të gjithë botën. /Telegrafi/