Manchester United aktualisht është përfshirë në një betejë të tensionuar për blerje. Dy grupe, të kryesuar nga Sir Jim Ratcliffe dhe Sheiku i Katarit Jassim bin Hamad al-Thani, po luftojnë për të marrë kontrollin e gjigantëve të Ligës Premier Ligës, shitja e të cilave vlerësohet në 7.5 miliardë euro.
Para se të përpiqej të merrte drejtimin e Man United, Ratcliffe u përpoq të blinte gjysmën e aksioneve të Barcelonës, raporton Mail Sport.
Ratcliffe u përpoq të bënte lëvizjen e tij jo shumë kohë pasi Joan Laporta ishte emëruar President për herë të dytë në vitin 2021.
“Ata po planifikonin të shisnin të drejtat televizive të klubit. Ne u thamë atyre: ‘Mos e bëni këtë – ne do të vendosim dy ose tre miliardë, do të rinovojmë Camp Nou dhe do të kemi 50 për qind të pronësisë – dhe do të nënshkruajmë një akt për të thënë se nuk do ta shesim kurrë’”, bëhet e ditur në librin e shkruar nga Ratcliffe.
“Interesi ynë ishte vetëm për futbollin, jo për të fituar para. Unë mendoj se do të kishte funksionuar”.
Dyshja thuhet se kanë zhvilluar diskutime, por përfundimisht u anulua sepse do të ishte konsideruar “shumë politike”, të cilën Ratcliffe e detajoi.
“Ne folëm për këtë, por në fund, ata nuk menduan se mund të shkonin te tifozët me të. Rruga që ata po ndjekin është një fatkeqësi”.
Ratcliffe komentoi gjithashtu mënyrat e Barcelonës për të mbledhur fonde gjatë viteve të fundit, e që sipas tij është një gjë tejet e gabuar dhe klubi po shkon drejt më të keqes. /Telegrafi/