Një grabitje e rëndë në një biznes argjendarie në Suharekë ka tronditur opinionin publik në Kosovë.
Prokurorja e Prizrenit Ervehe Gashi thotë se moti i keq dhe pajisjet që kanë poseduar ka ndihmuar grabitësit të arratisen.
“Grabitësit madje kanë gjuajtur disa automjete që kanë tentuar t’i ndihmojnë policinë”, deklaroi për RTV Dukagjinin, Gashi.
Ajo thotë se grabitësit nga investigimet e para duken të jenë profesionistë.
“Nga videoincizimet e qytetarëve vërehet se kemi të bëjmë me profesionistë. Kush janë, çka janë e çfarë profesionistësh janë nuk mund ta them, mirëpo kanë qenë mjaft të përgatitur”.
“Njollat e gjakut ndihmojnë në zbulimin e ADN-së. Nëse kapen të dyshuarit, atëherë kjo është provë e pakontestuar se ata kanë qenë në vendin e ngjarjes. Fillimisht do t’i krahasojmë me ADN-të që kemi në databazën tonë pastaj shohim hapat e mëtejshëm”, ka deklaruar Gashi./Telegrafi/
