Përzgjedhja e studimeve në degën e Stomatologjisë dhe kryerja e tyre, janë vetëm hapat e parë drejt një karriere të suksesshme dhe të bujshme në një prej profesioneve më të nevojshme e më të kërkuara në botë.
Por, sigurisht të gjithë e dimë se, sikurse në çdo profesion tjetër, shkollimi mund të mos mjaftojë që ju të diferencoheni nga stomatologët tjerë.
Si rrjedhojë, nuk janë të pakta trajnimet ndërkombëtare me kurrikula të avancuara të cilat kanë një qëllim: zhvillimin profesional të çdo stomatologu.
Sidoqoftë, trajnimet me renome botërore deri tani kanë qenë të qasshme vetëm për individë të cilët kanë pasur buxhet të mjaftueshëm financiar dhe kohë për të udhëtuar në shtete tjera që t’i ndjekin akademitë sikurse Vesta ose Knightsbridge.
Duke marrë parasysh këtë dhe nevojën e studentëve që trajnimet e tilla t’i kenë më afër e më lirë, është futur në botën e stomatologjisë OMA Academy.
Çfarë është OMA Academy në Kosovë?
OMA Academy është mundësia më e re në vendin tonë e cila u mundëson të gjithë të interesuarve që ta vazhdojnë shkollimin dentar dhe mjekësor pas-universitar.
Në mesin e shumë përfitimeve, mjekët gjithashtu do të ndjekin trajnime të njohura ndërkombëtarisht në mënyrë që të zhvillohen profesionalisht dhe ta krijojnë një rrjet profesional.
E për t’i thyer barrierat globale, OMA Academy ka arritur të krijojë partneritet me akademitë e shquara si Vesta dhe Knightsbridge në mënyrë që të ofrojë certifikata me akreditim ndërkombëtar.
Trajnimin e parë do ta zhvillojë me 19 dhjetor ku trajtohet tema e Menaxhimit të Çrregullimeve të Nyjës Tempromandibulare.
Trajnimi është në dispozicion vetëm për 20 persona të përzgjedhur – numër i cili u përmbush brenda 24 orëve – dhe ofrohet me çmim promocional!