Shkrirja e mishit duhet të zgjasë sa më gjatë të jetë e mundur dhe kurrë mos i hidhni ujë të nxehtë
Për të ruajtur përbërësit ushqyes në mishin e ngrirë, duhet të merrni parasysh mënyrën e shkrirjes së tij, sepse është thelbësore.
Theksi duhet të vihet në procesin sa më të ngadaltë dhe shmangni “trajtimin” me ujë të nxehtë, transmeton Telegrafi.
Nga frigoriferi me ngrirje të thellë mishin kalojeni në frigorifer të zakonshëm dhe lëreni të qëndrojë në enë të mbuluar.
Në këtë mënyrë kristalet e akullit shkrihen ngadalë, ndërkaq një pjesë e lagështisë absorbohet nga fibrat muskulore, me ç’rast mbron ushqyeshmërinë.
Pastaj lëreni të qëndrojë edhe pak në temperaturë dhome.
Megjithatë, nëse keni nevojë për shkrirje më të shpejtë, atëherë lëreni mishin të qëndrojë për dy ose tri orë në një enë të mbyllur në temperaturën e dhomës. /Telegrafi/