Drejtuesit e Interit dhe trajneri Simone Inzaghi nuk i fajësuan lojtarët e tyre pas humbjes kundër Bolognas, por u kërkuan që të mos dorëzohen deri në fund.
Nerazzurrët nuk arritën të kapërcejnë Milanin në krye të tabelës së Serie A, duke pësuar një humbje befasuese 2-1 kundër Bolognas mbrëmjen e së mërkurës.
Tani ata janë dy pikë prapa rivalit të tyre të qytetit, Milanit, me vetëm katër ndeshje të mbetura.
Mediumi Il Corriere dello Sport ka zbuluar reagimin e drejtuesve dhe trajnerit të Interit, Inzaghi për humbjen në Stadio Dall’Ara, duke thënë se Beppe Marotta dhe Piero Ausilio refuzuan të fajësonin lojtarët të nesërmen në Pinetina.
CdS – Inzaghi alla squadra: “Non è il momento di arrendersi!”. Il discorso del tecnico ieri ad Appiano https://t.co/JQNdCWUzk3
— FcInterNews.it (@FcInterNewsit) April 29, 2022
Të gjithë lojtarët ishin ende jashtëzakonisht të zhgënjyer të enjten, kështu që drejtuesit e Interit nuk donin t’i demoralizonin edhe më shumë.
Sipas mediumit, ata u kërkuan lojtarëve të tyre të qëndrojnë të fokusuar deri në fund dhe të mos dorëzohen sepse sezoni ka ende shumë për të thënë.
Interi do të përballet me Udinesen (në udhëtim), Empolim (në shtëpi), Cagliarin (në udhëtim) dhe Sampdoria (në shtëpi) në katër ndeshjet e fundit të sezonit në Serie A.
Ata gjithashtu do të takohen me Juventusin në finalen e Kupës së Italisë ndërmjet ndeshjeve kundër Empolit dhe Cagliarit.
Ndeshjet e mbetura të Milanit janë kundër Fiorentinës (në shtëpi), Hellas Verona (në udhëtim), Atalanta (në shtëpi) dhe Sassuolo (në udhëtim). /Telegrafi/