E dashura e dhëndrit dhuroi spektakël, kur u paraqit në ceremoninë martesore të tij e veshur me fustan nusërie sikurse nusja me të cilën ai planifikonte të martohej.
Ceremonia martesore po zhvillohej në Ganë, kur dasmorët mbetën të shokuar në momentin kur në sallë u shfaq një femër tjetër e veshur me fustan të nusërisë, e cila pretendonte se ishte e dashura e dhëndrit, transmeton Telegrafi.
Në video mund të shihet se si dhëndri mbetet me fytyrë të skuqur, kur të gjithë dasmorët fillojnë ta shikojnë të shokuar për faktin se si po martohej, derisa në anën tjetër kishte një të dashur tjetër për të cilën nuk kishte qenë në dijeni nusja e tij.
Ajo me çdo kusht mundohej t’i afrohej çiftit dhe për një moment rrëmben mikrofonin, ku i shpjegon masës se si ata janë në lidhje për një kohë të gjatë dhe se për këtë gjë nuk ishte në dijeni nusja e tij. /Telegrafi/
Ende nuk dihet nëse pas këtij incidenti dyshja janë martuar, por një gjë është e sigurt se videoja ka bërë xhiron e botës, pasi është shikuar mbi 80 mijë persona. /Telegrafi/
https://www.youtube.com/watch?v=AwP1HinFfIg