Shoferi i një kamioni i është hakmarrë në mënyrën më të mirë të mundshme një hajduti i cili i vjedh telefonin.
Një motoçiklist nga Kina kishte vërejtur se shoferi i një kamioni kishte nxjerrë dorën jashtë kabinës dhe po bisedonte në telefon, dhe pa u menduar dy herë ngjitet lart dhe ia rrëmben nga dora, transmeton Telegrafi.
Por ky veprim i kushtoi shtrenjtë, pasi që në momentin që ai arratiset me motoçikletë, përpara i del shoferi i kamionit i cili me një kërcim në stil të Bruce Lee e nokauton atë.
E gjithë kjo ngjarje është filmuar nga kamerat e sigurisë, ku shfaqet momenti kur hajduti derisa po ngiste me shpejtësi motoçikletën nokautohet me shkelm nga shoferi i kamionit i cili për disa momente mbetet pa telefon.
E gjithë kjo ngjarje e tmerrshme ka ndodhur në Guangdong, në pjesën juglindore të Kinës. /Telegrafi/
