Njësitet speciale vietnameze duket se kanë një metodë të pazakontë për t’u futur në ndërtesat, për të cilat dyshojnë se janë të fshehur kriminelët.
Në vend se të përdorin litar që të ngjiten larg kateve të ndërtesës, ata ecin nëpër mur duke përdorur një shkop të drurit të gjatë afro nëntë metra, transmeton Telegrafi.
Një video e postuar në internet, shfaq momentin kur njësitet speciale vietnameze shfaqin këtë aftësi unike për t’u ngjitur nëpër mur me shkopin e drurit.
Aty mund të shihet se si njëri prej tyre e mban shkopin derisa të tjerët ngjiten me të nëpër kate thuajse janë duke ecur shkallëve, dhe kjo u ndihmon atyre që t’i zënë në befasi kriminelët gjatë aksioneve policore.
Derisa ngjitja në katin e tretë do të kërkonte të paktën një minutë, me këtë metodë të veçantë ata këtë e bëjnë për vetëm dy sekonda sikur ninxhat në filmat karate. /Telegrafi/
