Pjatat, garnitura e ngrënies, çinitë, tenxheret, tiganët, gotat, filxhanët… Nuk arrijmë gjithmonë të gjitha t’i fusim në makinën e larjes së enëve. Mirëpo, me këtë organizim, nuk do të keni më problem
Diane Regalbuto, pronare e firmës “Betty Likes To Clean”, për portalin Well + Good ka dhënë këshilla si të mbushni në mënyrën më të mirë enëlarësen, por nga ajo në fund çdo gjë të jetë perfekt e pastër, transmeton Telegrafi.
Pjatat
Mos i fusni në enëlarëse enët tuaja të gjitha të kthyera në të njëjtin drejtim. Në vend të kësaj, Regalbuto thotë që të gjitha pjatat do të duhej të vendosen në mesin e enëlarëses në pjesën e poshtme. Në atë vend gjendet spërkatësja e fuqishme e cila do ta eliminojë perfekt gjithë papastërtinë nga pjatat, thekson Diane.
Fusni disa pjata nga ana e majtë, ndërsa të tjerat nga ana e djathtë dhe le të jenë të kthyera njëri ndaj tjetrit.
Garnitura e ngrënies
Për t’u siguruar që të gjitha enët të pastrohen mirë, Regalbuto thotë që të gjitha dorezat duhet të jenë në majë.
Çinitë
Diane thotë që të gjitha çinitë duhet të jenë në pjesën e poshtme të enëlarëses, për shkak se si edhe pjatat – aty spërkatja është më e fuqishme.
Tenxheret dhe tiganët
Tenxheret dhe tiganët tuaj gjithashtu do të duhej të jenë të vendosura në pjesën e poshtme të enëlarëses, në mënyrë që të pastrohen sa më mirë.
Meqenëse ato janë gjërat më të mëdha të cilat janë vendosur në të, vendosni nga fundi në mënyrë që spërkatësja të mos bllokohet. Gjithashtu, kurdo që të jetë e mundur, vendosni anash dhe drejtoni nga poshtë.
Gotat dhe filxhanët
Të gjitha gotat tuaja, filxhanët dhe krikllat mund të lahen bashkë në pjesën e sipërme të enëlarëses. Është më e lehtë t’i nxjerrësh në atë mënyrë thotë Regalbuto.
Kujdesuni që gjithmonë të jenë të kthyera me fytyrë nga poshtë në mënyrë që ana e brendshme të jetë njësoj e pastër si edhe ana e jashtme. /Telegrafi/