Këto janë mënyrat më të sigurta për të hequr njollat!
Nëse e parkoni makinën tuaj nën një pemë, ka shumë të ngjarë që do të duhej ta lanit sa më parë që të jetë e mundur!
Përveçse janë estetikisht të shëmtuara, jashtëqitjet e shpendëve mund t’ju shkatërrojnë ngjyrën!
Kjo është arsyeja pse është shumë e rëndësishme të reagoni shpejt dhe të hiqni jashtëqitjet nga makina juaj në mënyrë të sigurt, transmeton Telegrafi.
Jashtëqitja e shpendëve përmban acid urik, i cili është gërryes dhe, për fat të keq, armiku më i madh i llakut të makinës suaj.
Ky aciditet mund të lërë shenja të shëmtuara në sipërfaqen e ngjyrës, kështu që, nëse nuk doni të vuani nga jashtëqitjet e shpendëve, është mirë të lani zonën e prekur sa më parë të jetë e mundur.
Kur moti është i ngrohtë, boja dhe llaku i makinës suaj përhapen, ndërsa jashtëqitjet e shpendëve ngurtësohen dhe grumbullohen, pas ftohjes së makinës suaj mund të shfaqen gjurmë të dukshme për shkak të ndryshimit të temperaturës.
Kjo është arsyeja pse është e rëndësishme të reagoni sa më shpejt të jetë e mundur ose të kontrolloni makinën tuaj nëse nuk është në përdorim të vazhdueshëm.
Si të hiqni me siguri jashtëqitjet e shpendëve nga makina juaj?
Uji – Nëse njolla tashmë është shkërmoqur, është mirë të përdorni ujë për ta hequr. Asnjëherë mos e fërkoni ose gërvishtni, pasi kjo mund të shkaktojë edhe më shumë dëme. Feçet ndonjëherë kanë gjurmë farash dhe kokrrash që mund të gërvishtin më tej makinën tuaj. Mënyra më e mirë është të lagni një leckë me ujë dhe ta lini të qëndrojë mbi njollë për 20 minuta. Më pas shpëlajeni me ujë, mos e fërkoni.
Uji i gazuar – Nëse në xhamin e makinës keni jashtëqitje, është mirë që ta hiqni me ujë të gazuar. Mos përdorni pije të gazuara me sheqer, të tilla si kola, pasi ato mund të shkaktojnë më shumë dëme në automjetin tuaj. Hidheni ujin dhe lëreni të qëndrojë për 60 sekonda.
Soda e bukës – Kur bëhet fjalë për produktet shtëpiake për heqjen e jashtëqitjeve të shpendëve nga makinat, soda e bukës është kryesorja. Në një shishe me spërkatës, përzieni dy deri në tre lugë sodë buke me një pikë sapuni dhe mbusheni me ujë të nxehtë. Spërkateni përzierjen në çdo njollë nga jashtëqitjet e shpendëve dhe lëreni të ngopet zona për disa minuta. Shpëlajeni nën presion uji – fërkimi i sodës së bukës me sfungjer ose leckë mund të lërë gërvishtje mikroskopike në automjetin tuaj.
VD-40 – ky produkt mund të përdoret për të larë jashtëqitjet e thata të shpendëve nga makina juaj. Punon mirë dhe është praktikisht i padëmshëm, kështu që nuk ka frikë të dëmtoni makinën tuaj. Thjesht spërkatni zonën VD-40, lëreni të ekspozojë jashtëqitjet e shpendëve për 60 sekonda, më pas shpëlajeni ose fshijeni. /Telegrafi/