Komuna e Shuto Orizarit, është e vetmja komunë në botë që ka shumicë të banorëve romë dhe e cila ka një shumicë të popullatës së etnitetit romë dhe që ka një kryetar të këtij etniteti. Kjo komunë ndodhet në pjesën veriore të Shkupit dhe ka mbi 17 mijë banorë.
Në vitin 1996, për herë të parë, banorët e etnitetit rom në Maqedoni fituan edhe komunën e tyre, me territor prej 7.5 K2. Që atëherë, rrallë kush në vendin tonë nuk e di këtë komunë. Banorët kryesisht merren me tregti, ku dominon tekstili.
Megjithatë, jeta e këtyre banorëve nuk mund të thuhet se është e lehtë. Banorët vazhdojnë të flasin për diskriminimin dhe kushtet e vështira për jetesë normale.
Karrocat e dorës dhe ato për kuaj vazhdojnë të jenë përditshmëri për sigurimin e bukës së gojës, sepse siç thonë banorët, diçka duhet të punohet.
Sekretari i Komunës, Qamoran Reunaert, vlerëson se situata me Romët në Maqedoni është duke u përmirësuar, duke mos mohuar faktin se kanë qenë shumë të margjinalizuar dhe se ende duhet shumë punë.
Nesër, më 8 prill, është dita botërore e Romëve. Me këtë rast ne vend ka disa organizime të ndryshme për të shënuar këtë ditë./shenja/
https://www.youtube.com/watch?v=sYjcAFYWu60