Site icon Telegrafi

Si e parandalon metoda 20-20-20 lodhjen e syve?

Laura Sekiraqa

Koha e kaluar para ekranit është një problem i madh këto ditë. Ju ndoshta kaloni një numër të mirë orësh duke parë ekrane, si kompjuteri juaj në punë dhe në shtëpi, telefonat e mençur, televizioni ose pajisje të tjera digjitale. Shikimi i ekraneve për shumë mund të çojë në lodhje të syve. Por, rregulli 20-20-20 mund të ndihmojë.

Cila është metoda 20-20-20?

Nëse e shihni veten duke vështruar ekranet gjatë gjithë ditës, mjeku juaj i syve mund t’ju ketë përmendur këtë rregull. Në thelb, çdo 20 minuta të kaluara duke përdorur një ekran, duhet të përpiqeni të shikoni diçka që është gjashtë metra larg jush për një total prej 20 sekondash.

Si mund të dalloni nëse diçka është 6 metra larg?

Nëse nuk keni një metër, ju ndoshta nuk do të jeni në gjendje të matni me saktësi 6 metra. Të qenit i saktë nuk është çelësi. Thjesht, duhet të përpiqeni të përqendroheni në diçka larg jush. Merrni parasysh të shikoni nga një dritare një objekt që duket shumë larg, si një pemë ose një ndërtesë matanë rrugës. Nëse punoni në një hapësirë ​​të vogël, provoni të ecni jashtë ose në një zonë më të madhe ku mund të pushoni sytë, transmeton Telegrafi.

Pse 20 sekonda?

Duhen rreth 20 sekonda që sytë tuaj të relaksohen plotësisht. Ndërsa jeni duke pushuar sytë, është gjithashtu një gotë ujë për ta mbajtur veten të hidratuar. Nëse trupi juaj është i hidratuar, do të jenë edhe sytë tuaj.

Pirja e çajit jeshil gjatë pushimit mund të ndihmojë edhe më shumë. Kjo sepse çaji jeshil përmban antioksidantë të quajtur katekinë që mund t’i ndihmojnë sytë tuaj të prodhojnë lot për lubrifikim më të mirë.

Si t’i kujtosh vetes ta bësh këtë çdo 20 minuta?

Ju ndoshta zhyteni në lexim ose punë kur shikoni ekranet. Vendosja e një alarmi mund t’ju ndihmojë të bëni një pushim çdo 20 minuta.

Çfarë thotë hulumtimi?

Akademia Amerikane e Okulistikës shpjegon se koha e kaluar në pajisjet digjitale jo domosdoshmërish do të dëmtojë shikimin tuaj. Por, mund të shkaktojë lodhje dhe simptoma të pakëndshme. Njerëzit normalisht mbyllin syrin rreth 15 herë në minutë. Kur vështroni ekranet, ky numër zvogëlohet në gjysmë ose tre herë më pak. Kjo mund të çojë në sy të thatë, të irrituar dhe të lodhur.

Lodhja e syve e shkaktuar nga ekranet ka emrin e vet. Quhet sindroma e vizionit kompjuterik. Në një studim të botuar nga Nepalese Journal of Ophthalmology, studiuesit ekzaminuan përdorimin e kompjuterit dhe efektet e tij në sytë e studentëve të universiteteve në Malajzi. Pothuajse 90 për qind e 795 studentëve kishin simptoma të sindromës pas vetëm dy orësh të përdorimit të kompjuterit.

Ndërsa shumë mjekë sugjerojnë se rregulli 20-20-20 është mënyra më e mirë e mbrojtjes, studiuesit shpjegojnë se çdo ndërprerje nga puna apo ekranet është e dobishme. Ata gjithashtu shpjegojnë se fëmijët zakonisht nuk e vërejnë lodhjen e syve aq sa të rriturit. Si rezultat, koha e ekranit të fëmijëve duhet të monitorohet nga afër nga kujdestarët, shkruan Healthline, transmeton Telegrafi.

Cilat janë simptomat e lodhjes së syve?

Sytë e lënduar, të lodhur, djegia ose kruarja janë simptomat kryesore të lodhjes së syve.

Simptoma të tjera përfshijnë:

Ndërsa këto simptoma ka të ngjarë të tregojnë lodhjen e syve, është një ide e mirë të raportoni çdo ndryshim në shikimin ose shëndetin e syve tek mjeku juaj. /Telegrafi/

Exit mobile version