Futbollisti fenomenal 41-vjeçar Zlatan Ibrahimovic është sërish anëtar i kombëtares suedeze dhe në profilin e tij në Instagram ka publikuar një klip të shkurtër ku tregon se si duken stërvitjet nga këndvështrimi i tij.
Ibrahimovic kishte veshur një kamerë teksa stërvitej me shokët e skuadrës dhe kur filloi xhirimet, ai tha se “ndjeu presionin”.
Pavarësisht kësaj, ai tregoi cilësi dhe inkurajoi bashkëlojtarët e tij.
“Nuk do të ecësh kurrë me këpucët e mia sepse nuk kam në plan t’i heq. Kjo është më e afërta që mund të arrish”, ka shkruar Ibrahimovic në përshkrimin e videos.
ZLATAN POINT OF VIEW! 👀
Så här nära har du aldrig varit @Ibra_official 🇸🇪🔥 pic.twitter.com/NOHf7htofG
— Svensk Fotboll (@svenskfotboll) March 26, 2023
Suedia sonte luan ndeshjen kualifikuese për Kampionatin Evropian ndaj Azerbajxhanit në kuadër të xhiros së dytë të Grupit F, ndërsa në xhiron e parë u mposht nga Belgjika. /Telegrafi/