Këngëtarja jonë e mirënjohur, Shyhrete Behluli, i ka dhënë një porosi koleges së saj Merita Muçiçit, pasi ajo martoi të birin Albatritin me Egzonën.
Një nga dasmat më të përfolura të këtij viti ishte martesa e Albatritit me Egzonën.
Dhe në këtë dasmë kanë qenë prezente shumë fytyra të njohura, përfshirë edhe Shyhrete Behlulin, e cila kohë më parë martoi djalin e saj me bukuroshen Learta Jakupi, shkruan Telegrafi.
Për mikrofonin e RTV 21 edhe emisionin “1 Kafe me Labin”, Shyhretja uroi çiftin dhe dha një porosi për vjehrrën e re, Meritën.
“Meritës i them të mos i dëgjojë se çfarë thonë për nuset. Është gjëja më e mirë që mund të ndodhë. Shyhret i shtëpisë”, u shpreh Shyhretja duke qeshur.
Edhe dasma e Shyhrete Behlulit bëri bujë të madhe për shkak të vëmendjes mediatike. /Telegrafi/