Një bisedë e hapur mbi të drejtat dhe komunitetin LGBT+ ka ndezur debat në shtëpinë e “Big Brother VIP Kosova”.
Gjatë një momenti qetësie në dhomën e makijazhit, ku çifti Adria dhe Ilirana ndodheshin bashkë me këngëtaren Linda Halimi, tema e të drejtave dhe perceptimit publik të komunitetit LGBT+ u bë qendra e diskutimeve.
Adri shprehu pikëpamje kundër komunitetit LGBT+ dhe paradave që organizohen në mbështetje dhe ndërgjegjësim të tyre, duke shkaktuar reagime të ndryshme në grup. Diskutimi u bë edhe më i tensionuar kur aktori Besart Zeneli u përfshi në bisedë, duke sjellë një perspektivë tjetër.
Bes akuzoi se shumica e njerëzve dhe organizatave joqeveritare mbështesin LGBT+ vetëm për përfitime financiare dhe për t’u dukur në përputhje me tendencat ‘trendy’ të kohës. Ai sugjeroi se mbështetja e treguar në publik nuk është gjithmonë e sinqertë dhe se shpesh motivet mbeten të fshehura pas një fasade të ndërgjegjësimit social.
Këto komente shkaktuan një valë të re të diskutimeve, me të pranishmit që u ndanë në pikëpamjet e tyre mbi qëndrimin ndaj komunitetit LGBT+.
Në një anë, Linda dhe disa të tjerë në dhomën e makijazhit mbajtën një qëndrim më mbështetës, duke synuar barazinë.
Ky debat ka ngjallur shumë reagime në shtëpinë e Big Brother VIP Kosova i përket këtij komuniteti, më saktësisht Edona James.
Edona James është shkronja T e komunitetit LGBT+, e përcaktuar si transigjinore, pra person që ndryshuar gjini, duke kaluar nga mashkull në femër. /Telegrafi/