Një shumicë e kroatëve nuk kanë në plan të marrin një vaksinë për t’u imunizuar kundër coronavirusit sapo të jetë në dispozicion, ka zbuluar një studim i fundit.
Sipas sondazhit, i cili u krye nga kompania e hulumtimit të tregut Valicon dhe botuar nga agjencia kroate e lajmeve RTL javën e kaluar, 43 për qind e të anketuarve thanë se ata patjetër do të vaksinonin ose ndoshta do të vaksinonin, kryesisht duke përmendur përgjegjësinë ndaj të tjerëve dhe se një shkallë më e lartë e vaksinimit do kufizojnë infeksionet si arsye, përcjell Telegrafi.
Por 57 për qind thanë që ata definitivisht nuk do të vaksinohen ose ndoshta nuk do të vaksinohen, duke përmendur mosbesimin ndaj vaksinës derisa të provohej se ishte e sigurt, ndërsa një numër i madh i të anketuarve gjithashtu thanë se kishin frikë se mund të kishte efekte anësore.
Të tjerët thanë se nuk do të vaksinonin sepse besonin se nuk ishin në rrezik, ndërsa një e katërta e të anketuarve thanë se virusi vazhdimisht pëson mutacion dhe se vaksinimi nuk do t’i mbrojë ata.
Sondazhi që mori mendimin e 523 njerëzve në Kroaci vjen ndërsa një garë shkencore globale është në proces për të prodhuar një vaksinë efektive për coronavirusin. /Telegrafi/