Instituti bullgar për politikë ka bërë një anketë me qytetarët e Bullgarisë, në vigjilje të përmirësimit të marrëdhënieve mes Maqedonisë dhe Bullgarisë.
51% e qytetarëve të Bullgarisë mendojnë se qytetarët e Maqedonisë janë të ngjajshëm apo të njejtë me qytetarët e Bullgarisë.
72% e bullgarëve mendojnë se populli maqedonas është i përafërt me popullin bullgar, thuhet në anketën e publikuar nga DNES që përcjellet nga Telegrafi Maqedoni.
64% e qytetarëve të Bullgarisë mendojnë se Maqedonia dhe Bullgaria kanë histori të përbashkët. 27% përqind mendojnë se historia nuk ndikon në ngjarjet e tanishme.
91% e bullgarëve mendojnë se gjuha e folur në dy vendet është e njejtë. Vetëm 8% mendojnë se gjuhët janë të ndryshme.
87% e qytetarëve të Bullgarisë mendojnë se shteti i tyre duhet të mbështes shtetin fqinj për integrim në BE dhe NATO.
Marrëdhëniet e acaruara nga e kaluara, për 85% e qytetarëve të Bullgarisë është e ndikuar artificialisht nga politika.
Bullgarët sipas kësaj ankete mendojnë më pozitivisht për Maqedoninë që nga fillimi i gushtit, kur edhe u nënshkrua marrëveshja për fqinjësi të mirë mes dy vendeve. /Telegrafi/