Shumë të famshëm të pranishëm në Barclays Center për meçin e boksit, Denzel Washington takohet me Wilder dhe i uron fat

Shumë personalitete të njohura janë të pranishëm në Barclays Center në Brooklyn të New Yorkut për të përcjellë meçin ndërmjet Deontay Wilder dhe Luis Ortiz.

Kampioni në kategorinë WBC do të përpiqet ta vazhdojë rekordin e tij pa humbje, përballë një tjetër boksieri që nuk është mposhtur kurrë.

Dhe në këtë mbrëmje të madhe boksi e gjithë vëmendja e dashamirëve të këtij sporti është te kjo përballje. Të shumtë janë edhe yjet që do ta ndjekin nga afër duelin mes dyshes nga kategoria e peshave të rënda.

Lexo po ashtu Lajmet nga meçi Wilder vs Ortiz

Njëri prej të famshmëve është Denzel Washington, i cili ka shkuar ta takojë Wilderin gjatë kohës kur ai po bëhej gati për duelin.

Aktori i famshëm hollivudian e ka përshëndetur kampionin e WBC-së dhe i ka uruar fat në përballjen ndaj Ortiz.

63-vjeçari ka pozuar edhe me personalitete të tjera të boksit.

I pranishëm në Barclays Center ishte edhe aktori tjetër, Liev Schreiber, i cili po ashtu është prononcuar para meçit të shumëpritur. /Telegrafi/