Numri i viktimave nga coronavirusi në Francë u rrit në 20,265, tha të hënën Jerome Salomon, drejtori i agjencisë shëndetësore të vendit.
Sipas mediave të huaja, përcjell Telegrafi, Salomon ka potencuar se epidemia e coronavirusit ka vrarë më shumë njerëz në Francë sesa çdo epidemi tjetër sezonale, përfshirë ‘valën e nxehtë’ të vitit 2003 që i mori jetën 19 mijë personave në të gjithë vendin.
Raportohet se numri i personave të infektuar, përfshirë atyre që janë shëruar dhe që kanë vdekur, ka shkuar në 114,657.
- Të paktën 30,500 persona janë të hospitalizuar.
- Rreth 5,600 persona gjenden në kujdesin intensiv. /Telegrafi/