Nuk ka të lënduar nga zjarri që sot shpërtheu në podrumin e një ndërtese në rrugën “Vlladimir Komarov” në Aerodrom të Shkupit.
“Zjarri është shuar dhe po punohet për pastrimin e terrenit”, tha për AIM, Xvonko Tomevski, komandant i Bridadës së Zjarrfikësve në Shkup, përcjell Telegrafi Maqedoni.
Ai shtoi se temperatura akoma është e lartë në hapësirat e djegura dhe nuk mund të bëhen vlerësimet e para për dëmet materiale.
Në lokalizimin e zjarrit kanë marrë pjesë shtatë makina të zjarrfikësve dhe 20 zjarrfikës./Telegrafi/
