Ai e ka arsyetuar shtyrjen duke e theksuar rundin e ri të dialogut të ndërmjetësuar nga BE ndërmjet Prishtinës dhe Beogradit, që do të mbahet nesër në Bruksel, transmeton Rel.
“Ne jemi të sigurt se ky dialog në nivelin e kryeministrave do të rezultojë me marrëveshje të qartë”, u tha Fule gazetarëve në Strasburg, në margjina të seancës plenare të Parlamentit Evropian.
“Është koha për Serbinë dhe Kosovën që të lëvizin nga e kaluara”, tha Fule dhe shtoi se çfarëdo “finale pozitive” nga bisedimet, do të “reflektojë” në raport, i cili u ndihmon vendeve anëtare të BE-së për të vendosur nëse Serbia dhe Kosova duhet të lejohen të ndërmarrin hapa të mëtejshëm në synimet për afrim me Bashkimin Evropian. /Telegrafi/