Ndeshja e mbetur e javës së parë, Drita – Llapi, e paraparë të zhvillohej të shtunën, është shtyrë për më vonë.
“Arsyeja e shtyrjes së kësaj ndeshjeje është bërë me kërkesë të Llapit, skuadër e cila i ka dy lojtarë të angazhuar me Kombëtaren U21 për ndeshjet kundër Austrisë dhe Andorrës”.
“Dhe në bazë të Rregullores së Garave klubi që jep dy apo më shumë lojtarë në ekipet kombëtare atëherë kërkesa për shtyrje të ndeshjes i aprovohet”, thuhet në një njoftim të Federatës së Futbollit të Kosovës.
Komisioni i Garave së shpejti do të caktojë një termin të ri për këtë ndeshje.
Ndërkohë, bëhet e ditur se ndeshja tjetër e mbetur, Drita-Trepça ’89, do të zhvillohet në terminin e paraparë, më 14 tetor, në orën 14:00.