Marca raporton se Arda Guler nuk iu bashkua stërvitjes së ekipit, pasi është duke punuar individualisht.
Mesfushori tani nuk ka gjasa të luajë në ndeshjen ndaj Sevillas pas pushimit ndërkombëtar që ishte data e mëparshme e rikuperimit të tij.
Real Madridi po i merr gjërat ngadalë me sensacionin turk dhe nuk po e shtyn atë të kthehet sa më shpejt që të jetë e mundur.
I riu pësoi lëndime të njëpasnjëshme të meniskut dhe muskujve dhe nuk ka mundur të bëjë debutimin zyrtar për bardhezinjtë.
Mesfushori iu bashkua Real Madridit me një marrëveshje prej 20 milionë eurosh nga Fenerbahce gjatë verës.
Guler është mbiquajtur ‘Messi turk’ për teknikën e tij. Ai ka impresionuar tifozët madrilen me aftësinë e tij në stërvitje , por ende nuk e kanë parë atë të aplikojë aftësitë e tij në lojëra konkurruese. /Telegrafi/