Presidenti i Shteteve të Bashkuara të Amerikës, Donald Trump, ka thënë se do të shtyjë rritjen e planifikuar të tarifave në mallrat kineze, duke përmendur “përparimin e konsiderueshëm” në negociatat me Pekinin.
Trump përmes një postimi në Twitter, ka njoftuar se ka përparim në bisedimet me palën kineze.
“Jam i lumtur t’iu njoftoj se Shtetet e Bashkuara kanë bërë përparim të konsiderueshëm në bisedimet tona me Kinën në çështje strukturale, duke përfshirë mbrojtjen e pronës intelektuale, transferimin e teknologjisë, agrikulturës, monedhave dhe aspekteve tjera”, ka shkruar Trump, përcjell Telegrafi.
I am pleased to report that the U.S. has made substantial progress in our trade talks with China on important structural issues including intellectual property protection, technology transfer, agriculture, services, currency, and many other issues. As a result of these very……
— Donald J. Trump (@realDonaldTrump) February 24, 2019
“Unë do të shtyj rritjen e tarifave amerikane, që ishte planifikuar të ndodhte më 1 mars. Duke parashikuar se të dyja palët do të arrijnë përparim shtesë, ne do të planifikojmë mbajtjen e një samiti mes presidentit kinez Xi dhe meje, në mënyrë që të arrijmë një marrëveshje. Një fundjavë shumë e mirë për SHBA-në dhe Kinën”, ka shtuar ai.
….productive talks, I will be delaying the U.S. increase in tariffs now scheduled for March 1. Assuming both sides make additional progress, we will be planning a Summit for President Xi and myself, at Mar-a-Lago, to conclude an agreement. A very good weekend for U.S. & China!
— Donald J. Trump (@realDonaldTrump) February 24, 2019
Trump dhe presidenti kinez Xi Jinping janë takuar më parë në Mar-a-Lago, e cila është pronë e presidentit amerikan në Florida.
Ai është takuar më 22 shkurt me zëvendëskryeministrin kinez, Liu He, i cili është nisur në Washington, në kuadër të bisedimeve me negociatorët amerikanë për tregti.
Presidenti Trump kishte planifikuar rritjen e tarifave për mallrat kineze, në vlerë të 200 miliardë dollarëve, nga 10 për qind sa janë tani në 25 për qind, nëse nuk arrihet marrëveshje deri më 1 mars.
Lufta tregtare në mes të dy gjigantëve botërore ka ndikuar në tregjet e aksioneve dhe ka ngritur shqetësimet për luftë tregtare botërore.
Trump ka arsyetuar vënien e masave ndaj Kinës, duke përmendur praktikat e padrejta të autoriteteve kineze ndaj Shteteve të Bashkuara të Amerikës, si dhe ka kërkuar ndryshime rrënjësore nga ky shtet, sa i përket vjedhjes së pronës intelektuale dhe eliminimit të pengesave për kompanitë amerikane në tregun e Kinës. /Telegrafi/