Zgjedhjet për president në klubin e Barcelonës, të cilat ishin planifikuar të mbahen me datë 24 janar, janë shtyrë në një afat të pacaktuar, për shkak të situatës së vështirë të krijuar nga pandemia COVID-19.
Këtë të premte, 15 janar, Qeveria Katalunase dhe FC Barcelona kanë zhvilluar një takim pune virtual për të adresuar mbajtjen e zgjedhjeve për President dhe Bordin e Drejtorëve të njësisë sportive në kontekstin e pandemisë Covid-19.
Gjatë takimit, Qeveria i ka përcjellë klubit se situata aktuale epidemiologjike nuk bën të mundur autorizimin e lëvizjes jashtë komunës për anëtarët që nuk kanë një qendër votimi në komunën e tyre më 24 janar.
Nga ana e tij, klubi ka deklaruar pamundësinë e mbajtjes së zgjedhjeve në datën e planifikuar për shkak të kufizimeve të lëvizjes të dekretuara nga Qeveria Katalunase në kontekstin aktual të pandemisë, prandaj data e zgjedhjeve duhet të vonohet.
Në këtë kuptim, klubi i ka kërkuar qeverisë katalunase të vlerësojë mundësinë e modifikimit të legjislacionit aktual sportiv në mënyrë që të mundësojë votimin me postë në datën e re të zgjedhjeve, kërkesë që qeveria ka ndërmarrë për ta studiuar.
ℹ️ ELECTIONS 2021: Date of the elections for the presidency of FC Barcelona will have to be postponed.
— FC Barcelona (@FCBarcelona) January 15, 2021
Në emër të Qeverisë Katalunase, takimi u drejtua nga Sekretari i Përgjithshëm i Departamentit të Presidencës, Meritxell Maso; Sekretari i Përgjithshëm i Departamentit të Shëndetësisë, Marc Ramentol; Sekretari i Përgjithshëm i Brendshëm Beth Abad; sekretari i Përgjithshëm i Sportit dhe Aktivitetit Fizik, Gerard Figueras, dhe ata u shoqëruan nga menaxherë dhe teknikë nga departamentet përkatëse.
Në emër të FC Barcelona, delegacioni drejtohej nga presidenti i Komitetit të Menaxhimit, Carles Tusquets, anëtarët, Joan Manuel Trayter dhe drejtori i klubit, Oscar Grau, i shoqëruar nga menaxherë dhe drejtues të tjerë të klubit. /Telegrafi/