Sipas policisë amerikane, zyrtarët policorë në Chicago kanë shkrepur afro 100 plumba brenda më pak se një minute, pasi afro-amerikani Dexter Reed me gjasë kishte shtënë i pari mbi ta gjatë një kontrolli rutinor në trafik, gjatë muajit të kaluar në Humboldt Park.
Policia ka publikuar të martën pamjet e të shtënave fatale për Reed, kur u ndalua nga policia gjatë një kontrolli rutinor në trafik pasi e kishin vërejtur se nuk e kishte vendosur rripin e sigurisë, transmeton Telegrafi.
Nga provat fillestare është “konfirmuar” se Reed kishte shtënë i pari mbi policinë, të cilët u kundërpërgjigjën duke shkrepur hiq më pak se 96 plumba brenda 41 sekondave.
Hetuesit kanë rekomanduar që katër policët e përfshirë në të shtëna të pezullohen nga puna deri në përfundimin e hetimeve.
“Çdo forcë vdekjeprurëse duhet vlerësuar dhe hetuar rrethana – përfshirë veprimet e policisë në këtë rast”, u tha nga policia në Chicago. /Telegrafi/
