Site icon Telegrafi

Shteti i Maqedonisë duhet t’u paguaj 87 mijë euro qytetarëve që e kanë paditur në Strasbourg

Në vitin 2017 aktgjykimet dhe vendimet e Gjykatës Evropiane për të Drejtat e Njeriut kundër Maqedonisë, shtetit i kanë kushtuar 87.530 euro.

Sipas Makfaks, në vitin 2017 shuma më e lartë e dhënë për zgjidhjen e një çështje miqësore ka qenë 9 mijë euro dhe ka të bëjë me lëndën “Neat Eminov kundër Maqedonisë”, lidhur me të drejtën për jetë, përcjell Telegrafi Maqedoni.

Në krahasim me vitin 2016, kur shtetit të Maqedonisë proceset gjyqësore i kishin kushtuar 102.870 euro, vitin e kaluar shuma është më e vogël.

Statistikat tregojnë se gjykatësit më shumë kanë shkelur nenin 6 të Konventës Evropiane, që ka të bëjë me të drejtën e procedurës gjyqësore të barabartë.

Përndryshe, qeveria në çdo seancë ka paraparë një pikë në rendin e ditës, ku shqyrtojnë mundësitë për të zgjidhur miqësisht rastet që janë kundër shtetit në Strasburg./Telegrafi/

Exit mobile version