Organizata terroriste ISIS, ka marrë përgjegjësinë për sulmin e mbrëmshëm që ndodhi në koncertin e këngëtares Ariana Grande në Mançester, shkruan Indepedent.
Në këtë sulm të përgjakshëm janë vrarë 22 persona dhe 59 tjerë janë plagosur, ku në mesin e të vrarëve kishte edhe fëmijë, transmeton Telegrafi.
Shteti Islamik ka lëshuar një deklaratë në gjuhën arabe në të cilën lavdëron veprimin e kamikazit që terrorizoi Anglinë.
Evropa gjatë dy viteve të fundit ka qenë cak i sulmeve terroriste siç ishte ai në Nice të Francës, Berlin, Paris e Bruksel, ku humbën jetën qindra persona të pafajshëm. /Telegrafi/
