Shtetet e Bashkuara kanë blerë pothuajse gjitha furnizimet në nivel global të ilaçit, që përdoret për trajtimin e COVID-19, shkruan Sky News.
Remdesivir që ishte zhvilluar për trajtimin e Ebolës, është prodhuar pothuajse ekskluzivisht për gjigantin amerikan farmaceutik Gilead Sciences dhe që kushton 2.340 dollarë, transmeton Telegrafi.
Kjo kompani është pajtuar që të dërgojë pothuajse të gjitha rezervat e ilaçit në SHBA, që ishin paraparë të shpërndahen për tre muajt e ardhshëm.
Kjo do të thotë se Remdesivir nuk do të jetë i qasshëm për përdorim për pacientët në Evropë deri në tetor, ka njoftuar Dr Andrew Hill, hulumtues në Universitetin e Liverpool-it.
“Ky veprim i SHBA-ve nënkupton se personat e prekur me COVID-19 në Britani, nuk do të mund të kenë qasje në ilaçin për trajtimin e tyre. Çfarë dimë deri më tani, gjatë tre muajve të ardhshëm nuk do të ketë furnizime me Remdesivir”, ka shtuar Hill. /Telegrafi/