Një nga shtëpitë më të vogla të Londrës është shitur shumë më shumë se çmimi fillestar i saj, shkruajnë mediat britanike, përcjell Telegrafi.
Shtëpia me vetëm një dhomë gjumi, e cila është vënë në treg, disponon rreth 26 metra katrorë hapësirë.
Por edhe pse e vogël, kjo shtëpi, që nga dalja në shitje muajin e kaluar, është shikuar nga rreth 100 të interesuar.
Dhe pavarësisht nga se ajo kërkon një rinovim të plotë, shtëpisë i janë bërë 19 oferta, duke përfunduar me atë të Robin Swailes, i cili kishte ofruar 713.823 funte.
Ai tha: “Të gjithë kanë ëndërr të kenë një shtëpi në qendër të Londrës. Ajo është e vogël, por e bukur dhe ne do ta rinovojmë atë”.
Ky çmim thuhet se është rreth tri herë më shumë se çmimi mesatar i shtëpive në Britani.
Vlerësohet gjithashtu se me një rinovim të plotë, vlera e shtëpisë do të arrinte në rreth një milion funte. /Telegrafi/
