Tanimë që është bërë president i SHBA-ve, Donald Trump nuk do të ketë nevojë të udhëtojë aeroplanin e tij personal.
Kjo për faktin se, përcjell Telegrafi, si çdo president tjetër i SHBA-ve edhe ai do të ketë “privilegjin” të udhëtojë “Air Force One”.
Dhe udhëtimin e parë me “Air Force One”, Trump tashmë e ka realizuar, përcjell Telegrafi.
“Aeroplan i bukur. I mrekullueshëm”, është shprehur i mahnitur presidenti amerikan, shkruajnë mediat e huaja.
Air Force One, përveçse karakterizohet me një komfort maksimal, mund të mbajë më shumë se 100 persona, 26 pjesëtarë ekuipazhi dhe 76 pasagjerë, që të gjithë pjesë e familjes presidenciale dhe stafit të tij.
Edhe pse është super i blinduar dhe me 60 metra gjatësi, Air Force One është një aeroplan shumë i shpejtë. Ai mund të fluturoje edhe me mbi 600 milje për orë. /Telegrafi/
