Ylli i hitit ‘Booty’, Jennifer Lopez, e cila tashmë është nënë e binjakëve Emme dhe Max, raportohet se është shtatzënë me fëmijën e saj të tretë, edhe pse është 47-vjeçe.
Dhe këtë herë ajo bartë fëmijën e të dashurit të saj Casper Smart. Ylli i muzikës dhe i dashuri i saj, i cili është 19 vite më i ri se ajo, së shpejti edhe do të martohen. Sipas revistës ‘Life & Style’, Jennifer dhe Casper janë tejet të lumtur me lajmin për shtatzëni.
“Jennifer nuk mund të jetë më e lumtur që ka mbetur shtatzënë me Casperin. Edhe ai është tejet i eksituar dhe shpreson se do të jetë djalë. Por me moshën që ka Jenniferi, ajo vetëm dëshiron që fëmija të jetë i shëndoshë, pa marrë parasysh se a është vajzë apo djalë”, ka deklaruar një burim i afërt me këngëtaren. “Ai me vite e ka lutur Jenniferin për një fëmijë.
Ai vërtetë po e trajton atë si një mbretëreshë. Çfarëdo që ajo dëshiron, ai e siguron për të, nganjëherë edhe para se t’ia kërkoj”, ka shtuar ai. Sipas këtij burimi, Jennifer dhe Casper kishin diskutuar edhe mundësinë e adoptimit, para se të kuptojnë se ajo ka mbetur shtatzënë. “Ajo tani është e gatshme që të martohet sërish dhe ta bëj Casperin një baba të përkryer”, ka shtuar burimi. Sipas tij, ata do të zhvendosen në Nju Jork për të rritur fëmijën. Ende nuk ka konfirmim nga ana e ana e çiftit.