Maqedonia ka rritje të trefishtë të shtatzanisë së padëshiruar te të miturat, në krahasim me cilindo shtet në Evropë, transmeton Telegrafi Maqedoni.
Edhe infektimi me sëmundje seksualisht të trahsmetueshme është gjithnjë në rritje, si edhe dhuna ndaj vajzave dhe grave. Sipas OJQ Hera, që me vite thekson nevojën e lëndës së edukimit seksual nëpër shkolla, këto të dhëna nuk duhet të na habitin, pasi që kemi normën më të ulët të kontracepcionit modern në Evropë.
Ministria e Arsimit dhe shkencës është përgjigjur disa herë në këtë temë, duke thënë se nuk ka nevojë për lëndë të posaçme për edukim seksual, duke e arsyetuar këtë mendim me faktin se në kuadër të sistemit arsimor të Maqedonisë, brenda lëndëve për aftësi në jetë, është përfshirë një doracak i veçantë me ndihmën e UNICEF, përmes të cilit, nxënësit informohen për më shumë aftësi në jetë, gjendje dhe pritshmëri në rritjen dhe zhvillimin e tyre, ku ka një pjesë që ndërlidhet me edukimin seksual./Telegrafi/