Policia e Kosovës ka arrestuar dje një shtetas të Serbisë në Terminalin Doganor në Prishtinë.
I njëjti ishte duke drejtuar kamionin me targa te Serbisë (në relacionin Greqi-Kosovë) dhe gjatë kontrollit brenda në kamion i janë gjetur shtatë persona-emigrant, prej tyre pesë nga Pakistani dhe dy nga Afganistani.
Me vendim të prokurorit, i dyshuari pas intervistimit është dërguar në mbajtje, ndërsa emigrantët i janë dorëzuar njësiteve kompetente për veprime të mëtutjeshme.