Një person është arrestuar për shkak se gjatë kontrollit në veturën e tij janë gjetur dhe sekuestruar 7 fanella dhe 148 vizitkarta me mbishkrime nacionaliste.
Sipas raportit të Policisë së Kosovës bëhet e ditur se ngjarja ka ndodhur të mërkurën rreth orës 14:40 në pikë kalimin kufitar në Bërnjak.
Tutje në raport thuhet se i dyshuari pas inicimi të rastit me vendim të prokurorit është liruar në procedurë të rregullt.
Ndërkaq, rasti është cilësuar si “Nxitje e urrejtjes, përçarjes dhe mos durimit”.
“Është arrestuar i dyshuari kosovar për shkak se gjatë kontrollit në veturën e tij janë gjetur dhe sekuestruar 7 fanella dhe 148 kartëvizita me mbishkrime nacionaliste. I dyshuari pas inicimit të rastit me vendim të prokurorit është liruar në procedurë të rregullt”, thuhet në raport. /Telegrafi/