Shtabi i Krizës i Kumanovës kërkon nga Institutit Shtetëror Sanitar dhe Shëndetësor (ISHSSH) që t’i dorëzohet raporti dhe procesverbali nga mbikëqyrja inspektuese, organet kompetente ta zbardhin rastin. Këto janë disa nga konkluzionet nga mbledhja e 38-të e mbajtur e shtabit komunal për mbrojtje dhe shpëtim.
“Shtabi është i shqetësuar për shkak të gjendjes së krijuar me mbikëqyrjen e jashtëzakonshme inspektuese të ISHSSH sa i përket komandantit dhe anëtarit shoqërues të shtabit për shkelje të supozuar të procedurave dhe kërkon që procesverbali dhe raporti nga procedura t’i jepet në mbikëqyrje”, thuhet në kumtesën e sotme.
Nga shtabi njoftojnë se konstatimi i tillë hedh dyshim ndaj punës së deritanishme të bërë nga ana e tyre në luftën me epideminë e Kovid-19 në Kumanovë.
Ato shtojnë se e mbështesin punën dhe angazhimin e punonjësve shëndetësorë (mjekë dhe personeli mjekësor në Spitalin e Përgjithshëm, Shtëpinë e Shëndetit, mjekët amë, QSHP, epidemiologët, etj) në Kumanovë dhe e theksojnë bashkëpunimin dhe falënderimin e deritanishëm.
“SHKMSH do të vazhdojë me betejën duke shfrytëzuar mjetet dhe logjistikën në dispozicion dhe theksojnë se prioritet mbetet shpëtimi i jetëve njerëzore dhe kujdesit për qytetarët e Kumanovës. Shtabi kërkon nga NP “Ujësjellësi” që për çdo ditë të informojë për aktivitetet e rrjetit të ujësjellësit dhe kanalizimit dhe t’i publikojë në ueb faqen e Komunës së Kumanovës. Shtabi i rekomandon komunës që të ndajë sasi të caktuara të maskave për ndërmarrjet publike”, thuhet në kumtesë.
Prej atje iu bëjnë thirrje qytetarëve që t’i respektojnë masat dhe rekomandimet e Qeverisë dhe shtabit./Telegrafi/