Askush nuk e di me tamam se çfarë do të thotë shprehja “covfefe”. Me gjasë as vet “zbuluesi” i tij, presidenti amerikan Donald Trump nuk nënkupton diçka konkrete me këtë fjalë që doli nga një Tweeter i tij pas fitores së zgjedhjeve dhe mori dhenë.
Ai e kishte shkruar këtë fjalë në fund të fjalisë në Tweeter dhe e gjithë bota mediale pastaj është marrë, herë seriozisht e herë me humor, me shpjegimin e kësaj fjale misterioze.
Por, cilido që të jetë kuptimi ose moskuptimi i kësaj fjale, shqiptari nga Tetova, Tim Saciri (Shpëtim Shaqiri) me qëndrim në Kantonin Valis, është njeriu i parë e ka blerë të drejtën për këtë fjalë.
Ai, në bazë të kësaj të drejte është i autorizuar për të përfituar nga përdorimi i saj dhe ndërkohë ka hapur edhe faqen e internetit (covfefe-swiss.com) shkruajnë gazetat “NZZ” dhe “Le Matin”.
Tim Saciri (Shpëtim Shaqiri), 36 vjeçar, me 900 franga i ka blerë të drejtat e tregut për gjithë botën për famozen “Covfefe” dhe këtë të drejtë e ka regjistruar në Institutin Federal për pronësi intelektuale (IGE), transmeton albinfo.ch.
“Unë e di fare mirë se sa e vështirë është të bësh të njohur një produkt në përmasa botërore. Fundja, unë do të isha i marrë sikur ta lija një markë kaq të njohur të më ikte nga duart”, përcjell albinfo.ch. Dhe, praktikisht secili person dhe secila firmë që e përdor shprehjen “Covfefe” mund të përballet me faturën e dërguar nga Saciri. Pra: duhet të paguajë!
Për Shpëtim Shaqirin, albinfo.ch ka shkruar edhe më parë. Ai njihet në Zvicër për zbulimin dhe futjen në treg të një mjeti, lloj proteze që u vihet në gojë qenve agresivë, duke u pamundësuar atyre kafshimin me pasoja për njerëzit.