Artisti nga Kosova, Petrit Halilaj, është renditur nga revista e njohur e arteve “my art”, në listën e 45 artistëve që lanë gjurmë në vitin 2018. Emri i tij është mes emrave të njohur, si: Jeremy Deller, Shezad Daëood, Mario Garcia Torres, Hito Steyrel, Masbedo, Judy Chicago etj.
I lindur në vitin 1986 në Kostërrc të Skënderajt, Halilaj jeton mes Berlinit, Milanos dhe Mantuas. Ai është vlerësuar me çmimin special edhe në Bienalen e Venecias, ndërsa ka hapur ekspozita në muze të rëndësishëm të artit bashkëkohor.
Halilaj është i njohur me përpjekjet e tij artistike për të rikrijuar në veprat e tij të artit vendlindjen e djegur e të shkatërruar nga lufta. Mediat ndërkombëtare botuan pak vite më parë një foto të tijën, ende fëmijë 11 vjeçar i mbështetur pas një karvani të gjatë grash që po linin vendin.
Kjo përvojë është në fokus të veprave të Halilajt, që kërkon ta shohin të shkuarën e vendit të tij të trazuar përmes rrëfimeve të ndjera që sjell.