Vetëm pak kohë pasi Enca festoi arritjen e 1 milion ndjekësve në Instagram, një tjetër këngëtar i ka bërë konkurrencë.
Bëhet fjalë për Fatmir Sufën, i cili në fakt nuk është shumë i njohur në ekranet shqiptare, edhe pse shifrat e Instagram-it tregojnë krejt të kundërtën. Vetëm pak ditë më parë, Fatmir Sufa ka festuar me ndjekësit e tij arritjen e shifrës së 1 milion fansave. Arritjen e këtij rekordi ai ka zgjedhur ta festojë si Dan Bilzerian.
Duke kërkuar këngët e Fatmir Sufës shohim se klipet e tij kanë arritur shifra mbi 1 milion e gjysmë klikime apo edhe mbi 4 milionë e gjysmë, në rastin e këngës “Cak Pak Hopa-Hopa” apo “Jeta Osh Qef”.
Të vijë gjithë ky sukses prej talentit ende të pashpërthyer për publikun, apo prej prezencës së vajzave në çdo moment të këngëve dhe në pjesën më të madhe të postimeve në Instagram?
