Në Elmwood Park të New Jersey, një shqiptar theri të ëmën me thikë kuzhine në shpinë në natën e ndërrimit të moteve, duke i shkaktuar plagë në kraharor, raportojnë mediat amerikane.
Policia në Garfield arriti të arrestojë Emiliano Domin, 25-vjeç, pasi hetuesit njoftuan se ai ishte arratisur pas sulmit të premtes në Martha Avenue, transmeton Telegrafi.
Fillimisht nuk dihej se kushe shkaktoi këtë sulm, që e dërgoi 54-vjeçaren me plagë thike në spital. Por më vonë e ëma e tij u tha policëve se ishte sulmuar në mënyrë të befasishme nga pas.
Domi – ish arkëtar në ShopReite në Lodi, ka një histori të dhunës në familje – kështu të paktën bëjnë të ditur burime brenda policisë në New Jersey.
Ai po akuzohet për tentimvrasje, dhunë fizike dhe posedim të armës vdekjeprurëse. Aktualisht po mbahet në paraburgim në Bergen County ku shumë shpejtë pritet të shfaqet në bankën e të akuzuarve në Hackensack. /Telegrafi/