Ashtu sikundër u parashikua, turizmi këtë vit në Shqipëri mund të quhet “turizëm patriotik”.
Plazhin e Shëngjinit e kane zgjedhur si mundësi për të shijuar ditët e nxehta të verës edhe shqiptarët e Kosovës, të cilët mbeten besnikë.
“Këtë vit ka më pak njerëz se vitet e kaluara. Ka gjys për gjysmë xhiro më pak se vitet e kaluara”, shprehet një mikpritës në Shëndgjin.
Shumë prej pushuesve shprehen se janë të kënaqur nga mikpritja, shërbimi apo edhe çmimet.
“Kemi qenë në Durrës 4-5 ditë, pastaj edhe në Elbasan. Edhe atje shumë mirë. Janë shumë mikëpritës”, shprehet një pushues nga Kosova.
Më të dëmtuar nga kjo situatë janë bizneset, të cilët pohojnë se në këtë sezon rezervimet kanë qenë shumë herë më të ulëta se vitet e shkuara.
Por shqetësimi që kanë pushuesit në Shëngjin është mungesa e rojeve bregdetare për të ndërhyrë ne raste rreziku./Vizion Plus