Konfirmimi vjen nga Enti Rregullator i Energjisë, i cili sapo ka korrigjuar nivelin e humbjeve në rrjet, element i rëndësishëm në përcaktimin e tarifave të reja.
Të dhënat e fundit tregojnë për një nivel humbjeje me të paktën 34 për qind, ose 1 për qind më lart nga periudha kur Enti Rregullator e mori vendimin për rritjen e çmimeve me rreth 13 për qind.
“Në vendimin e muajit dhjetor për rritjen e çmimeve, niveli i humbjeve ishte 33 për qind, gjë që u kundërshtua nga OSSH-ja, duke pretenduar një masë prej 35.7 për qind. Nga verifikimet në terren dhe te linjat e përcjelljes së energjisë, rezulton se niveli i humbjeve paska qenë 34 për qind. Kjo do të thotë se OSSH-së i lind e drejta që tani të kërkojë rritje me të paktën 1 për qind, por analizat dhe studimet do të nisin në shtator, për të marrë një vendim përfundimtar”, tregon një burim zyrtar i Entit.
Sipas tij, me situatën aktuale, rritja e çmimeve të energjisë është e pashmangshme në vitin 2011. /Top-channel/ Telegrafi/