Krahasuar me dhjetorin e vitit të kaluar, kredia është rritur për gjysmën e parë të vitit në total me vetëm 3.8 për qind.
Guvernatori i Bankës Shqipërisë, Ardian Fullani, tha se investimet private vlerësohen në rënie në pjesën e parë të vitit. “Kushtet e shtrënguara të aplikuara nga bankat kanë dekurajuar kërkesën për kredi”, tha Fullani.
Sipas të dhënave, krahasuar me qershorin e vitit të kaluar, kredia për individët është rritur me vetëm 0.6 për qind, një tregues ky që, sipas vetë bankës dëshmon për rënie të konsumit në ekonomi.
Studimet e Bankës së Shqipërisë tregojnë se vitet e fundit kredia ka qenë një nga nxitësit kryesorë të ekonomisë duke kontribuar mesatarisht me 1.5 për qind në normën vjetore të rritjes ekonomike. /agjencitë/telegrafi/