Fansat që kanë blerë bileta për të parë koncertin e Ariana Grande në 22 maj nga interneti, nuk do kenë nevojë për bileta në koncertin e të dielës.
Ariana Granda ka ofruar bileta falas në datën 4 qershor për të gjithë ata që ishin pjesë e ngjarjes tragjike, ku mbetën të vdekur 22 persona dhe shumë të plagosur.
Por ka pasur probleme pasi shumë fansa nuk kanë marrë përgjigjen e duhur dhe nuk kanë mundësi që të regjistrohen falas për të parë koncertin.
“Nuk është e drejtë për mijëra vajza të vogla që mund të kenë parë ngjarje të tmerrshme. Prindërit e tyre po shpresojnë se kjo mund ti bëjë të ndihen më mirë, por tani kanë kuptuar se nuk mund të shkojnë dhe kjo është gjë e ulët”, ka thënë Janine, një vajzë për BBC.
Ka pasur edhe raste të tjera kur fansat janë ankuar pasi kompanitë nuk i kanë vlerësuar dhe nuk janë treguar të qartë dhe korrektë me to.
Ndërkohë, mendohet se të gjitha kompanitë në internet po punojnë që të vërtetojnë detajet e të gjithë fansave në mënyrë që të mos ketë përplasje të tilla. /oranew/